July 12, 2020

പൊതുവഴി കൈയ്യേറ്റം നടപടി വേണം:സിപിഐ (എം)

കാഞ്ഞിരപ്പള്ളി: കാഞ്ഞിരപ്പള്ളി ബസ്സ്റ്റാന്റിന് സമീപമുള്ള പൊതുവഴി സ്വകാര്യ വ്യക്തി കയ്യേറി ടാറിങ്ങ് തകർത്ത സംഭവത്തിൽ കർശന നടപടികൾ സ്വീകരിക്കണമെന്ന് സിപിഐ (എം) കാഞ്ഞിരപ്പള്ളി ടൗൺ ലോക്കൽ കമ്മറ്റി ആവശ്യപ്പെട്ടു. പതിറ്റാണ്ടുകളായി പൊതു ജനങ്ങൾ ഉപയോഗിച്ച് വരുന്ന ടിവിഎസ് റോഡിൽ നിന്നും ബസ് സ്റ്റാന്റിലേക്കുള്ള പഞ്ചായത്ത് റോഡാണ് പുൽപ്പേൽ ടെക്സ്റ്റയിൽസുകാർ കയ്യേറി നശിപ്പിച്ചത്. ലോക്ഡൗൺ കാലത്ത് രാത്രിയുടെ മറവിലാണ് ജെസിബിയും റോഡ് റോളറും ഉപയോഗിച്ച് ടാറിങ്ങ് ഇളക്കി മാറ്റി റോഡ് നശിപ്പിച്ചത്.സംഭവമറിഞ്ഞ് സ്ഥലത്തെത്തിയ സിപിഎം-ഡിവൈഎഫ്ഐ പ്രവർത്തകർ അനധികൃത നിർമാണം തടഞ്ഞ് പോലീസിൽ വിവരമറിയിക്കുകയും, നിർമാണ പ്രവർത്തനങ്ങൾക്ക് ഉപയോഗിച്ച വാഹനങ്ങൾ തടഞ്ഞ് പോലീസിലേൽപ്പിക്കുകയും ചെയ്തു. സ്വകാര്യ താൽപ്പര്യങ്ങൾ സംരക്ഷിക്കാനുള്ള ചിലരുടെ ശ്രമങ്ങൾ അംഗീകരിക്കാനാവില്ല. പൊതുജനങ്ങളുടെ സഞ്ചാരസ്വാതന്ത്രം തടയുന്ന അനധികൃത നിർമാണ പ്രവർത്തനങ്ങൾക്കെതിരെ പൊതുമുതൽ നശീകരണ നിയമപ്രകാരം കേസെടുത്ത് കർശന നിയമ നടപടികൾ സ്വീകരിക്കണം.ഈ വഴി അളന്ന് തിട്ടപ്പെടുത്തി പഞ്ചായത്ത് വക റോഡ് എന്ന ബോർഡും സ്ഥാപിക്കാൻ പഞ്ചായത്തധികൃതരോട് ആവശ്യപ്പെട്ടിട്ടുണ്ട്.പൊതുജന താൽപ്പര്യം സംരക്ഷിക്കാൻ സിപിഐ (എം) മുന്നിട്ടിറങ്ങുമെന്ന് ലോക്കൽ സെക്രട്ടറി ടി.കെ.ജയൻ പ്രസ്താവനയിൽ പറഞ്ഞു

Spread the love

Leave a Reply

Your email address will not be published. Required fields are marked *

You may have missed

Translate »
error: Content is protected !!