കോട്ടയം: ആയിരങ്ങള്‍ പങ്കെടുത്ത കണ്‍വന്‍ഷനോടെ എല്‍ഡിഎഫ് സ്ഥാനാര്‍ഥി തോമസ് ചാഴികാടന്‍റെ തെരഞ്ഞെടുപ്പ് പ്രചാരണം ഊര്‍ജിതമായി. മോദി അധികാരത്തില്‍ എത്താന്‍ ശ്രമിക്കുന്നത് മഹാത്മാ ഗാന്ധിയോട് പുറത്ത് നില്‍ക്കാന്‍ പറഞ്ഞ ആശയങ്ങളെ പുനരുജ്ജീവിപ്പിക്കാനാണെന്ന് കണ്‍വന്‍ഷന്‍ ഉദ്ഘാടനം ചെയ്ത സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. തൂക്കുസഭ വന്നാല്‍ ആ രാത്രി അദാനിമാര്‍ മോദിക്ക് വേണ്ടി എംപി മാര്‍ക്ക് വില പറയും. ഇടത് പക്ഷത്തുനിന്ന് ആരും ബിജെപിയിലേക്ക് പോകില്ലന്ന ഗാരന്‍റി ഉണ്ടെന്നും അതിന് തോമസ് ചാഴികാടന്‍ ജയിക്കേണ്ടത് ആവശ്യമാണെന്നും അദ്ദേഹം പറഞ്ഞു.മന്ത്രി വി.എന്‍. വാസവന്‍ യോഗത്തില്‍ അധ്യക്ഷത വഹിച്ചു. കേരള കോണ്‍ഗ്രസ് -എം ചെയര്‍മാന്‍ ജോസ് കെ. മാണി എംപി മുഖ്യപ്രഭാഷണം നടത്തി. വൈക്കം വിശ്വന്‍, മാത്യു ടി. തോമസ് എംഎല്‍എ, സെബാസ്റ്റ്യന്‍ കുളത്തുങ്കല്‍ എംഎല്‍എ, എ.വി.റസല്‍, വി.ബി. ബിനു, പ്രഫ. ലോപ്പസ് മാത്യു, കെ. സുരേഷ്‌കുറുപ്പ്, ലതിക സുഭാഷ്, ബെന്നി മൈലാടൂര്‍, സണ്ണി തോമസ്, മാത്യു കോലഞ്ചേരി, പി.സി. ജോസഫ്, പി. ഗോപകുമാര്‍, എം.ജെ. ജേക്കബ്, ജിയാസ് കരിം, സലിം വാഴമറ്റം, എം.കെ. ദിലീപ്, എം.എം. ദേവസ്യ, സ്ഥാനാര്‍ഥി തോമസ് ചാഴികാടന്‍ എന്നിവര്‍ പ്രസംഗിച്ചു.എല്‍ഡിഎഫ് കേന്ദ്ര തെരഞ്ഞെടുപ്പ് കമ്മിറ്റി ഓഫീസ് കോട്ടയം ശാസ്ത്രീ റോഡില്‍ കേരള കോണ്‍ഗ്രസ് -എം ചെയര്‍മാന്‍ ജോസ് കെ. മാണി എംപി ഉദ്ഘാടനം ചെയ്തു. കെ. അനില്‍കുമാര്‍ അധ്യക്ഷതവഹിച്ചു. സമ്മേളനത്തിനെത്തിയെ സ്ഥാനാര്‍ഥിയെ മുദ്രാവാക്യം വിളികളുടെ അകമ്പടിയോടെ സ്വീകരിച്ചാണ് വേദിയിലേക്ക് ആനയിച്ചത്.തെരഞ്ഞെടുപ്പ് കമ്മിറ്റികോട്ടയം: എല്‍ഡിഎഫ് സ്ഥാനാര്‍ഥി തോമസ് ചാഴികാടന്‍റെ തെരഞ്ഞെടുപ്പ് വിജയത്തിനായി 5001 അംഗ കമ്മിറ്റി രൂപീകരിച്ചു. മന്ത്രി വി.എന്‍. വാസവന്‍, വൈക്കം വിശ്വന്‍, ജോസ് കെ. മാണി എംപി, സി. കെ.ആശ എംഎല്‍എ തുടങ്ങിയവരാണ് രക്ഷാധികാരികള്‍.സിപിഎം സംസ്ഥാന കമ്മിറ്റിയംഗം കെ. അനില്‍കുമാര്‍ ചെയര്‍മാനും സിപിഐ ജില്ലാ സെക്രട്ടറി വി.ബി. ബിനു സെക്രട്ടറിയും കേരള കോണ്‍ഗ്രസ് -എം ജില്ലാ പ്രസിഡന്‍റ് പ്രഫ. ലോപ്പസ് മാത്യു ജനറല്‍ കണ്‍വീനറുമായിട്ടാണ് 5001 അംഗ കമ്മിറ്റി രൂപീകരിച്ചിരിക്കുന്നത്. ഇന്നു മുതല്‍15 വരെ ഏഴു നിയോജക മണ്ഡലങ്ങളിലെയും മണ്ഡലം കണ്‍വന്‍ഷനുകളും നടക്കും
