May 31, 2020

ഏഴ് വിമാനങ്ങളിലായി പത്തനംതിട്ട ജില്ലക്കാരായ 79 പ്രവാസികള്‍ കൂടി എത്തി

കൊച്ചി, തിരുവനന്തപുരം, കരിപ്പൂര്‍, കണ്ണൂര്‍ വിമാനത്താവളങ്ങളില്‍ മേയ് 20ന് ഏഴ് വിമാനങ്ങളിലായി പത്തനംതിട്ട ജില്ലക്കാരായ 79 പ്രവാസികള്‍ കൂടി എത്തി. ഇവരില്‍ 48 പേരെ പത്തനംതിട്ട ജില്ലയിലെ വിവിധ കോവിഡ് കെയര്‍ സെന്ററുകളില്‍ പ്രവേശിപ്പിച്ചു.കുവൈറ്റ്-തിരുവനന്തപുരം വിമാനത്തില്‍ 23 സ്ത്രീകളും 16 പുരുഷന്‍മാരും ആറു കുട്ടികളും ഉള്‍പ്പെടെ ജില്ലക്കാരായ 45 പേരാണുണ്ടായിരുന്നത്. ഇവരില്‍ 26 പേരെ കോവിഡ് കെയര്‍ സെന്ററില്‍ പ്രവേശിപ്പിച്ചു. ഏഴ് ഗര്‍ഭിണികള്‍ അടക്കം 19 പേര്‍ വീടുകളിലെത്തി നിരീക്ഷണത്തില്‍ പ്രവേശിച്ചു.ലണ്ടന്‍ – കൊച്ചി വിമാനത്തില്‍ ജില്ലക്കാരായ നാല് സ്ത്രീകളും മൂന്നു പുരുഷന്‍മാരും ഉള്‍പ്പെടെ എഴു പേരാണ് എത്തിയത്. നാലു പേരെ കോവിഡ് കെയര്‍ സെന്ററില്‍ നിരീക്ഷണത്തിലാക്കി. ഒരു ഗര്‍ഭിണിയും പ്രായമായ രണ്ടുപേരും വീടുകളില്‍ നിരീക്ഷണത്തിലാണ്.ദുബായ് – കൊച്ചി വിമാനത്തില്‍ ജില്ലക്കാരായ നാല് സ്ത്രീകളും മൂന്ന് പുരുഷന്‍മാരും ഉള്‍പ്പെടെ എഴു പേരാണ് എത്തിയത്. രണ്ടു പേരെ കോവിഡ് കെയര്‍ സെന്ററില്‍ നിരീക്ഷണത്തിലാക്കി. രണ്ടു ഗര്‍ഭിണി അടക്കം അഞ്ചു പേരെ വീടുകളില്‍ നിരീക്ഷണത്തിലാക്കി.മോസ്‌കോ -തിരുവനന്തപുരം വിമാനത്തില്‍ രണ്ട് സ്ത്രീകളും മൂന്ന് പുരുഷന്‍മാരും ഉള്‍പ്പെടെ അഞ്ചു പേരാണ് എത്തിയത്. ഇവര്‍ അഞ്ചു പേരും കോവിഡ് കെയര്‍ സെന്ററില്‍ നിരീക്ഷണത്തിലാണ്.മനില – കൊച്ചി വിമാനത്തില്‍ ആറ് സ്ത്രീകളും മൂന്ന് പുരുഷന്‍മാരും ഉള്‍പ്പെടെ ഒന്‍പതു പേരാണ് എത്തിയത്. ഒന്‍പതുപേരും കോവിഡ് കെയര്‍ സെന്ററില്‍ നിരീക്ഷണത്തില്‍ കഴിയുകയാണ്.റിയാദ് – കണ്ണൂര്‍ വിമാനത്തില്‍ മൂന്നു ഗര്‍ഭിണികള്‍ അടക്കം നാലു പേരാണ് എത്തിയത്. ഇവരെല്ലാം വീടുകളില്‍ നിരീക്ഷണത്തിലാണ്.സലാല-കരിപ്പൂര്‍ വിമാനത്തില്‍ ജില്ലക്കാരായ ഒരു സ്ത്രീയും ഒരു പുരുഷനുമാണ് എത്തിയത്. ഇവര്‍ രണ്ടുപേരും കോവിഡ് കെയര്‍ സെന്ററില്‍ നിരീക്ഷണത്തില്‍ കഴിയുകയാണ്.

Spread the love

Leave a Reply

Your email address will not be published. Required fields are marked *

Translate »