മു​ട്ട​പ്പ​ള്ളി​യി​ൽ സം​സ്ക​രി​ച്ച വ​യോ​ധി​ക​യു​ടെ മൃ​ത​ദേ​ഹം ഇ​ന്ന് പു​റ​ത്തെ​ടു​ത്ത് പ​രി​ശോ​ധി​ക്കും

മു​ക്കൂ​ട്ടു​ത​റ: മു​ട്ട​പ്പ​ള്ളി​യി​ൽ എ​ട്ട് മാ​സം മു​മ്പ് ക​ല്ല​റ​യി​ൽ സം​സ്ക​രി​ച്ച വ​യോ​ധി​ക​യു​ടെ മൃ​ത​ദേ​ഹം ഇ​ന്ന് പു​റ​ത്തെ​ടു​ത്ത് പ​രി​ശോ​ധ​ന ന​ട​ത്താ​ൻ പോ​ലീ​സ് ഒ​രു​ങ്ങു​ന്നു. തീ​പ്പൊ​ള്ള​ലേ​റ്റ നി​ല​യി​ൽ ചി​കി​ത്സ​യി​ൽ ക​ഴി​ഞ്ഞ​തി​നി​ടെ ക​ഴി​ഞ്ഞ വ​ർ​ഷം ന​വം​ബ​ർ 27 ന് ​മ​ര​ണ​പ്പെ​ട്ട മു​ട്ട​പ്പ​ള്ളി കു​ള​ത്തു​ങ്ക​ൽ വീ​ട്ടി​ൽ മാ​ർ​ത്ത മോ​ശ (83) യു​ടെ മൃ​ത​ദേ​ഹ​മാ​ണ് ഇ​ന്ന് ക​ല്ല​റ തു​റ​ന്ന് പു​റ​ത്തെ​ടു​ത്ത് സാ​മ്പി​ൾ ശേ​ഖ​രി​ക്കു​ന്ന​തി​നാ​യി പ​രി​ശോ​ധ​ന ന​ട​ത്തു​ക.

കാ​സ​ർ​ഗോ​ഡ് സ്വ​ദേ​ശി​നി​യാ​യ ഇ​ള​യ മ​ക​ൾ ബേ​ബി​ക്കു​ട്ടി​യു​ടെ പ​രാ​തി​യി​ൽ ജി​ല്ലാ പോ​ലീ​സ് മേ​ധാ​വി​യു​ടെ നേ​തൃ​ത്വ​ത്തി​ൽ ന​ട​ത്തു​ന്ന അ​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​ണ് പ​രി​ശോ​ധ​ന. ഇ​ന്ന് രാ​വി​ലെ പ​ത്തി​ന് കാ​ഞ്ഞി​ര​പ്പ​ള്ളി ത​ഹ​സി​ൽ​ദാ​ർ, കാ​ഞ്ഞി​ര​പ്പ​ള്ളി ഡി​വൈ​എ​സ്പി എ​ന്നി​വ​രു​ടെ മേ​ൽ​നോ​ട്ട​ത്തി​ൽ പോ​ലീ​സ് ഫോ​റ​ൻ​സി​ക് സ​ർ​ജ​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന ന​ട​ത്തു​ക.

മു​ട്ട​പ്പ​ള്ളി സി​എം​എ​സ് പ​ള്ളി​യി​ലെ ക​ല്ല​റ​യി​ലാ​ണ് എ​ട്ട് മാ​സം മു​മ്പ് മൃ​ത​ദേ​ഹം സം​സ്ക​രി​ച്ച​ത്. അ​തേ​സ​മ​യം അ​മ്മ​യു​ടെ മ​ര​ണ​ത്തി​ൽ ദു​രൂ​ഹ​ത ഉ​ണ്ടെ​ന്ന മ​ക​ളു​ടെ പ​രാ​തി​യി​ൽ പോ​ലീ​സി​ന്‍റെ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​ണ് മൃ​ത​ദേ​ഹം പു​റ​ത്തെ​ടു​ത്ത് പ​രി​ശോ​ധി​ക്കു​ന്ന​തെ​ങ്കി​ലും സ്വ​ത്ത്‌ ത​ർ​ക്ക​വു​മു​ണ്ടെ​ന്ന് പ​റ​യു​ന്നു. ച​ട്ട​യും മു​ണ്ടും വേ​ഷം പ​തി​വാ​ക്കി​യി​രു​ന്ന വ​യോ​ധി​ക​യ്ക്ക് നെ​രി​പ്പോ​ടി​ൽ നി​ന്നും തീ ​കാ​യു​ന്ന ശീ​ല​മു​ണ്ടാ​യി​രു​ന്ന. തീ ​കാ​ഞ്ഞു​കൊ​ണ്ടി​രി​ക്കെ മേ​ൽ​മു​ണ്ടി​ൽ തീ ​പ​ട​ർ​ന്നാ​ണ് പൊ​ള്ള​ലേ​റ്റ​തെ​ന്നും കോ​ട്ട​യം മെ​ഡി​ക്ക​ൽ കോ​ള​ജി​യി​ൽ ചി​കി​ത്സ​യി​ലാ​യി​രു​ന്നെ​ന്നും ര​ണ്ട് മാ​സ​ത്തി​ന് ശേ​ഷം മ​ര​ണ​പ്പെ​ടു​ക​യാ​യി​രു​ന്നെ​ന്നും പ​റ​യു​ന്നു. മ​ര​ണ​പ്പെ​ട്ട വ​യോ​ധി​ക​യ്ക്ക് ഒ​രു ആ​ണും നാ​ല് പെ​ണ്മ​ക്ക​ളും ഉ​ൾ​പ്പ​ടെ അ​ഞ്ച് മ​ക്ക​ളാ​ണ് ഉ​ള്ള​ത്. വ​യോ​ധി​ക​യും ഭ​ർ​ത്താ​വും മ​ക​നോ​ടൊ​പ്പം കു​ടും​ബ വീ​ട്ടി​ലാ​ണ് ക​ഴി​ഞ്ഞി​രു​ന്ന​ത്. ഇ​ള​യ മ​ക​ൾ കാ​സ​ർ​ഗോ​ഡ് ആ​ണ് താ​മ​സം. മ​റ്റൊ​രു മ​ക​ൾ ക​ഴി​ഞ്ഞ​യി​ടെ കോ​വി​ഡ് മൂ​ലം മ​ര​ണ​പ്പെ​ട്ടി​രു​ന്നു.

വ​യോ​ധി​ക​യു​ടെ മ​ക​ൻ വി​ദേ​ശ​ത്താ​യി​രു​ന്ന​പ്പോ​ൾ കാ​സ​ർ​ഗോ​ഡു​ള്ള ഇ​ള​യ സ​ഹോ​ദ​രി മു​ട്ട​പ്പ​ള്ളി​യി​ലെ​ത്തി ഒ​മ്പ​ത് സെ​ന്‍റ് സ്ഥ​ലം ഉ​ൾ​പ്പെ​ട്ട കു​ടും​ബ വീ​ട് സ്വ​ന്തം പേ​രി​ൽ പ്ര​മാ​ണം ചെ​യ്തെ​ന്നും തു​ട​ർ​ന്ന് ഈ ​സ്വ​ത്ത്‌ വി​ട്ടു​കി​ട്ട​ണ​മെ​ന്നാ​വ​ശ്യ​പ്പെ​ട്ട് കേ​സ് ന​ൽ​കി​യി​രു​ന്നെ​ന്നും പ​റ​യു​ന്നു. സ്ഥ​ലം വി​ട്ടു ന​ൽ​കാ​ൻ സ​ഹോ​ദ​ര​ൻ ത​യാ​റാ​യി​രു​ന്നി​ല്ല. വ​യോ​ധി​ക​യ്ക്ക് 92 വ​യ​സു​ണ്ടെ​ന്നാ​ണ് മ​ക​ൻ പ​റ​യു​ന്ന​ത്. എ​ന്നാ​ൽ 83 വ​യ​സാ​ണെ​ന്ന് ഇ​ള​യ മ​ക​ളു​ടെ പ​രാ​തി​യി​ൽ പ​റ​യു​ന്നു. വ​യോ​ധി​ക​യു​ടെ മ​ര​ണ​ത്തി​ൽ ദു​രൂ​ഹ​ത ഉ​ണ്ടെ​ന്നു​ള്ള ഇ​ള​യ മ​ക​ളു​ടെ പ​രാ​തി​യി​ൽ വാ​സ്ത​വം ഉ​ണ്ടോ​യെ​ന്ന് ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യാ​ണ് മൃ​ത​ദേ​ഹം പു​റ​ത്തെ​ടു​ത്ത് വി​ദ​ഗ്ധ പ​രി​ശോ​ധ​ന​യ്ക്കാ​യി സാ​മ്പി​ൾ ശേ​ഖ​രി​ക്കു​ന്ന​തെ​ന്ന് പോ​ലീ​സ് പ​റ​ഞ്ഞു.