കൊച്ചി: അടിക്കടി വില കൂടിയ ശേഷം സ്വർണത്തിന് ഇന്ന് പവന് 560 രൂപ കുറഞ്ഞു. ഗ്രാമിന് 70 രൂപയാണ് കുറഞ്ഞത്. ഇതോടെ ഗ്രാമിന് 6650 രൂപയും പവന് 53200 രൂപയുമായി.
ഇന്നലെ ഒരു ഗ്രാം സ്വർണ്ണത്തിന് 100 രൂപ കൂടിയിരുന്നു. പവന് 800കൂടി 53,760 രൂപയായിരുന്നു ഇന്നലത്തെ വില. ഈ മാസത്തെ ഏറ്റവും ഉയർന്ന വിലയായിരുന്നു ഇത്. 2420 ഡോളർ വരെയെത്തിയ സ്വർണ്ണവില 80 ഡോളർ കുറഞ്ഞ് 2343 ഡോളറിലേക്ക് താഴ്ന്നിരുന്നു. ഇതാണ് വിലകുറയാൻ ഇടയാക്കിയത്.
