കോൺഗ്രസ് ജില്ലാ റിവ്യു നടത്തി: 53 പേരിൽ 8 പേർ പച്ച കാറ്റഗറിയിൽ

കോട്ടയം: ഇൻഡ്യൻ നാഷണൽ കോൺഗ്രസ് ജില്ലാ , ബ്ലോക്ക്കമ്മിറ്റികളുടേയും .ഭാരവാഹികളുടെയും പ്രവർത്തന മികവ് വിലയിരുത്തുന്നതിനുള്ള കോട്ടയം ജില്ലയിലെ പ്രഥമ ജില്ലാതല റിവ്യൂ നടന്നു.

ഡി.സി.സി. ഭാരവാഹികളുടേയും ബ്ലോക്ക് പ്രസിഡണ്ടുമാരുടേയും ഒരു ദിവസം മുഴുവൻ നീണ്ടു നിന്ന റിവ്യുവിന് പെർഫോർമൻസ് അസ്സസ്സ്മെൻ്റിൻ്റെ  സംസ്ഥാന ചുമതലയുള്ള കെ.പി.സി.സി. ജനറൽ സെക്രട്ടറി അഡ്വ. സജീവ് ജോസഫ്, ജില്ലാ ചുമതലയുള്ള കെ പി.സി.സി.ജനറൽ സെക്രട്ടറി എം എം നസീർ, ഡി.സി.സി. പ്രസിഡണ്ട് ജോഷി ഫിലിപ്പ് എന്നിവർ നേതൃത്വം നൽകി.

പരിശോധനയിൽ ജില്ലയിലെ ബ്ലോക്ക് പ്രസിഡണ്ടുമാരിൽ മുണ്ടക്കയം ബ്ലോക്ക്‌ പ്രസിഡന്റ്‌ റോയി കപ്പലുമാക്കൽ അടക്കം 5 പേർ പച്ച കാറ്റഗറിയിലും 7 പേർ മഞ്ഞ കാറ്റഗറിയിലും 5 പേർ ചുവപ്പ് കാറ്റഗറിയിലുമായി. 

ഡി.സി.സി. ഭാരവാഹികളിൽ യൂജിൻ തോമസ് ഉൾപ്പെടെ 3 പേർ പച്ച കാറ്റഗറിയിലും 29 പേർ മഞ്ഞ കാറ്റഗറിയിലുമായി.  4 പേർ ചുവപ്പ് കാറ്റഗറിയിലാണ്. 

കെപിസിസി നിർദ്ദേശപ്രകാരം ജില്ലാ കോൺഗ്രസ്സ് കമ്മറ്റി ഭാരവാഹികളുടേയും ബ്ലോക്ക് കോൺഗ്രസ്സ് കമ്മറ്റി പ്രസിഡൻറുമാരുടേയും പ്രവർത്തനക്ഷമത റിപ്പോർട്ട് ജില്ലാ കോൺഗ്രസ്സ് കമ്മറ്റി ഓഡിറ്റോറിയത്തിൽ കെ പി സി സി ജനറൽ സെക്രട്ടറിമാരായ സജീവ് ജോസഫും , എം എം നസ്സീറും , ഡി സി സി പ്രസിഡൻ്റ് ജോഷി ഫിലിപ്പും ചേർന്ന് പരിശോധിരുന്നു .

കെ.പി.സി.സി.നടപ്പിലാക്കുന്ന 
വിലയിരുത്തലിൽ മികച്ച പ്രവർത്തനം നടത്തുന്നവർ പച്ചയിലും ശരാശരിക്കാർ മഞ്ഞയിലും ശരാശരിയിൽ താഴെയുള്ളവർ ചുവപ്പിലുമാണ് ഉൾപ്പെടുക.

ജൂലൈ , ആഗസ്റ്റ്, സെപ്തംബർ എന്നീ മൂന്ന് മാസത്തെ പ്രവർത്തന റിപ്പോർട്ടിൻ്റെ അടിസ്ഥാനത്തിലാണ് ആദ്യ വിലയിരുത്തൽ നടന്നത്. ഇനി മുതൽ  ജില്ലയിൽ എല്ലാ മാസവും റിവ്യൂ നടത്തും. ആദ്യ റിവ്യൂവിൽ പിന്നിൽ പോയവരോട് തിരുത്തൽ നടപടികൾ നിർദ്ദേശിച്ചിട്ടുണ്ട്.

Spread the love

Leave a Reply

Your email address will not be published. Required fields are marked *

Translate »
error: Content is protected !!