കാഞ്ഞിരപ്പള്ളി: എംഡിഎംഎയും കഞ്ചാവും കൈവശംവച്ചതിന് യുവാവിനെ എക്സൈസ് അറസ്റ്റ് ചെയ്തു.ഇടക്കുന്നം തച്ചുകുളം മുഹമ്മദ് അസറുദ്ദീനെയാണ് (25) എക്സൈസ് സംഘം നടത്തിയ പരിശോധനയില് ചൊവ്വാഴ്ച രാത്രിയില് പിടികൂടിയത്. യുവാവിന്റെ കൈയില്നിന്ന് 4.4 ഗ്രാം എംഡിഎംഎയും 22 ഗ്രാം കഞ്ചാവും കണ്ടെടുത്തു.ഇയാളെ റിമാന്ഡ് ചെയ്തു. കാഞ്ഞിരപ്പള്ളി എക്സൈസ് റേഞ്ച് ഇന്സ്പെക്ടര് പി.കെ. സുരേഷിന്റെ നേതൃത്വത്തില് പ്രിവന്റീവ് ഓഫീസര് ടി.ജെ. മനോജ് സിവില് എക്സൈസ് ഓഫീസര്മാരായ കെ.എന്. സുരേഷ്കുമാര്, കെ.എസ്. നിമേഷ്, കെ.വി. വിശാഖ്, ടി.എസ്. രതീഷ്, വനിതാ സിവില് എക്സൈസ് ഓഫീസര് എസ്. സമീന്ദ്ര, ഡ്രൈവര് കെ.ആര്. മധു എന്നിവര് ചേര്ന്നാണ് പ്രതിയെ പിടികൂടിയത്.