കോട്ടയം: ഗൃഹനാഥനെ വാക്കത്തി കൊണ്ട് വെട്ടി കൊലപ്പെടുത്താൻ ശ്രമിച്ച യുവാവ് പിടിയിൽ. കോട്ടയം പള്ളിക്കത്തോട്ടിലാണ് സംഭവം. ആനിക്കാട് ഇരുപ്പക്കാട്ടുപടി ഭാഗത്ത് ഇലവുങ്കൽ വീട്ടിൽ ജിഷ്ണു സാബുവാണ് പിടിയിലായത്.
പ്രതി ഗൃഹനാഥന്റെ വീട്ടിൽ അതിക്രമിച്ചു കടന്ന് ചീത്തവിളിക്കുകയായിരുന്നു. തുടർന്ന് പുറത്തിറങ്ങിയ ഗൃഹനാഥനെ ഇയാൾ കെെയിൽ കരുതിയിരുന്ന വാക്കത്തി കൊണ്ട് വെട്ടിക്കൊലപ്പെടുത്താൻ ശ്രമിക്കുകയായിരുന്നു.തുടർന്ന് ഇയാൾ സംഭവസ്ഥലത്തുനിന്ന് കടന്നുകളഞ്ഞു. ഗൃഹനാഥനോടുള്ള മുൻവൈരാഗ്യമാണ് ആക്രമണത്തിന് പിന്നിലെന്നാണ് നിഗമനം. പിന്നീട് ഗൃഹനാഥന്റെ പരാതിയിൽ പോലീസ് കേസെടുത്ത് ആന്വോഷണം നടത്തി പ്രതിയെ പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ്ചെയ്തു.