മുണ്ടക്കയം – പത്തനംതിട്ട ലോകസഭ മണ്ഡലം യൂ ഡി എഫ് സ്ഥാനാർത്ഥി ആൻ്റോ ആൻ്റണിയുടെ പൂഞ്ഞാർ നിയോജക മണ്ഡലം കൺവെൻഷൻ ഏപ്രിൽ 2 ന് മുണ്ടക്കയത്ത് നടത്തും. ഉച്ചകഴിഞ്ഞ് 3.30 ന് മുണ്ടക്കയം സി എസ് ഐ പരീഷ് ഹാളിൽ നടക്കുന്ന കൺവെൻഷൻ പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്യും. നിയോജക മണ്ഡലം ചെയർമാൻ മജു പുളിക്കൻ അദ്ധ്യക്ഷത വഹിക്കും. മുസ്ലിം യൂത്ത് ലീഗ് സംസ്ഥാന അദ്ധ്യക്ഷൻ പാണക്കാട് സയ്യിദ് മുനവ്വറാലി ശിഹാബ് തങ്ങൾ മുഖ്യപ്രഭാഷണം നടത്തും. മുൻ കേന്ദ്രമന്ത്രി പി സി തോമസ്, മോൻസ് ജോസഫ് എം എൽ എ , കെ പി സി സി ജനറൽ സെക്രട്ടറി അഡ്വ പി.എ. സലിം, ചെറിയാൻ ഫിലിപ്പ്, നാട്ടകം സുരേഷ്, അസ്സീസ് ബഡായിൽ, യൂ ഡി എഫ് ജില്ലാ ചെയർമാൻ സജി മഞ്ഞക്കടമ്പിൽ, കൺവീനർ ഫിൽസൺ മാത്യൂസ് ,ഡി സി സി ജനറൽ സെക്രട്ടറിമാരായ പ്രകാശ് പുളിക്കൻ, ജോമോൻ ഐക്കര, റാസി ചെറിയവല്ലം, ബിനു മറ്റക്കര , അഡ്വ : സതീഷ്കുമാർ, തോമസ്സ്കുട്ടി മൂന്നാനപ്പള്ളി , സി ബി ആറാട്ടുകയം , റോയി കപ്പലുമാക്കൽ, കെ എസ് രാജു പ്രസംഗിക്കും.