August 11, 2020

വലച്ചത് ബിപിഎൽ : എരുമേലി പഞ്ചായത്ത്‌ ഓഫിസിൽ ആൾക്കൂട്ടം.

എരുമേലി : കോവിഡ് ജാഗ്രതാ നിയന്ത്രണങ്ങൾ ലംഘിച്ച് എരുമേലി പഞ്ചായത്ത്‌ ഓഫിസിൽ ആൾക്കൂട്ടം. ഇന്നലെയാണ് സംഭവം.  നിയന്ത്രണങ്ങൾ  പാലിക്കണമെന്ന് ഉദ്യോഗസ്ഥർ നിർദേശിച്ചിട്ടും പ്രയോജനമുണ്ടായില്ല.  ബിപിഎൽ ലിസ്റ്റിൽ ഉൾപ്പെടാൻ അപേക്ഷ നൽകാനും ഇതിനാവശ്യമായ വിവിധ സർട്ടിഫിക്കറ്റുകൾക്കുമായാണ് നിരവധി പേർ പഞ്ചായത്ത്‌ ഓഫിസിൽ എത്തിയത്. കോവിഡ് വ്യാപനം വർധിച്ചിരിക്കെ വിവിധ സർട്ടിഫിക്കറ്റുകൾക്കായി  പൊതുജനം കൂട്ടത്തോടെ  ഓഫിസുകൾ കയറി ഇറങ്ങുന്ന സ്ഥിതി ഒഴിവാക്കാൻ ബദൽ മാർഗങ്ങൾ സ്വീകരിക്കണമെന്ന് ആവശ്യം. കോവിഡ് സമയത്ത് ബിപിഎൽ ലിസ്റ്റിൽ ഉൾപ്പെടാൻ അപേക്ഷ ക്ഷണിച്ചത് അനുചിതമാണെന്നും ആക്ഷേപം.  2010 ലെ ബിപിഎൽ ലിസ്റ്റ് ആണ് നിലവിലുള്ളത്. ഈ ലിസ്റ്റിൽ പേരില്ലാത്തവർക്കാണ് ഇപ്പോൾ അപേക്ഷ നൽകാൻ അവസരം നൽകിയിരിക്കുന്നത്. ഇതിനായി വരുമാനം, വിധവാ, വാർദ്ധക്യം, അഗതി, പുനർ വിവാഹിതർ ഉൾപ്പെടെ വിവിധ സർട്ടിഫിക്കറ്റുകൾ അപേക്ഷക്കൊപ്പം ഹാജരാക്കണം. സർട്ടിഫിക്കറ്റുകൾക്ക് അക്ഷയ കേന്ദ്രം വഴി ഓൺലൈനിൽ അപേക്ഷ നൽകിയാലും വില്ലേജ് ഓഫിസിൽ നിന്ന് സർട്ടിഫിക്കറ്റ് അനുവദിക്കാൻ താമസം നേരിടുന്നുണ്ട്. ഇക്കാരണത്താൽ ഓഫീസുകളിൽ നേരിട്ടന്വേഷിക്കാൻ നിരവധി പേർ ദിവസവും എത്തുന്നു. കോവിഡ് ജാഗ്രത പാലിക്കുന്ന വിധം ക്രമീകരണങ്ങൾ സർക്കാർ തലത്തിൽ ഇത്തരം കാര്യങ്ങളിൽ ഉണ്ടാകണമെന്ന് ആവശ്യം ശക്തമായി. ചിത്രം. ഇന്നലെ എരുമേലി പഞ്ചായത്ത്‌ ഓഫിസിൽ ബിപിഎൽ ലിസ്റ്റിലേക്കുള്ള അപേക്ഷക്കും മറ്റ് ആവശ്യങ്ങ

Spread the love

Leave a Reply

Your email address will not be published. Required fields are marked *

Translate »
error: Content is protected !!