August 9, 2020

സാഹചര്യങ്ങൾ അനുകൂലമായാൽ നാലുവർഷത്തിനകം ശബരി ഇന്റർ നാഷണൽ എയർപോർട്ട്:സ്പെഷ്യൽ ഓഫീസർ വി തുളസിദാസ്

എരുമേലി :സാഹചര്യങ്ങൾ അനുകൂലമായാൽ നാലുവർഷത്തിനകം ശബരി ഇന്റർ നാഷണൽ എയർപോർട്ട് യാഥാർഥ്യമാകുമെന്ന് കിയാൽ എം ഡി യും നിർദിഷ്ട ശബരി എയർപോർട്ട് സ്പെഷ്യൽ ഓഫീസറുമായ വി തുളസിദാസ് വ്യക്തമാക്കി .എരുമേലിയിൽ പഞ്ചായത്ത് പ്രസിഡന്റ് ടി കൃഷ്ണകുമാർ ഉൾപ്പെടെയുള്ളവരുമായി നടത്തിയ വെബ്‌നാർ മീറ്റിങ്ങിൽ പങ്കെടുത്തു സംസാരിക്കുകയായിരുന്നു അദ്ദേഹം.അനുമതി കിട്ടി ,പണം സ്വരൂപിച്ചു ,നിർമ്മാണം തുടങ്ങിയാൽ മൂന്ന് നാലുവർഷം മതി വിമാനത്താവളം പ്രവർത്തനക്ഷമമാകുവാൻ .സംസ്ഥാന സർക്കാരും മറ്റുള്ള എല്ലാ വകുപ്പുകളും  സർക്കാരും വിമാനത്താവളത്തിലിന് അനുകൂലമായ നയമാണ് സ്വീകരിക്കുന്നത് . സ്പെഷ്യൽ ഓഫീസർ  നൂറു ശതമാനം പിന്തുണയും എന്റെ ഭാഗത്തു നിന്നും ഭാഗത്തു നിന്നും ഉണ്ട്   .കണ്ണൂർ എയർപോർട്ടിനേക്കാൾ അനുയോജ്യമായ സ്ഥലമാണ് ചെറുവള്ളി എസ്റ്റേറ്റിലേത് .കണ്ണൂർ എയർപോർട്ട് നിർമ്മാണത്തിന് പൊതുജനങ്ങളുടെയും മാധ്യമങ്ങളുടെയും വമ്പിച്ച പിന്തുണയുണ്ടായിരുന്നു .എരുമേലിയിലെയും പരിസരങ്ങളിലെയും പൊതുജനത്തിന്റെയും മാധ്യമങ്ങളുടെയും പിന്തുണ വിമാനത്താവള നിർമ്മാണത്തിന് അദ്ദേഹം ആവശ്യപ്പെട്ടു .വിമാനത്താവള നിർമ്മാണത്തിനാവശ്യമായ പണം കണ്ടെത്തേണ്ടതുണ്ട് . പരമാവധി പണം വിമാനത്താവള നിർമ്മാണത്തിന് സ്വരൂപിക്കണം .മധ്യതിരുവിതാംകൂറിൽനിന്നും പത്തനംതിട്ട ,ഇടുക്കി എന്നിവിടങ്ങളിലും  പ്രവാസികളുള്ളത് വിമാനത്താവള നിർമ്മാണത്തിന് അനുകൂലഘടകമാണ് .ശബരിമല തീർത്ഥാടകരുടെ സഹകരണവും ലഭ്യമാകുമെന്ന് സ്പെഷ്യൽ ഓഫീസർ വി തുളസിദാസ്‌ വെബ്‌നാർ മീറ്റിങ്ങിൽ പറഞ്ഞു .വിമാനത്താവള ഓഫീസ് എപ്പോൾ വേണമെങ്കിലും തുടങ്ങാവുന്നതേയുള്ളു .ഇപ്പോൾ സാഹചര്യങ്ങൾ കൈകാര്യം ചെയ്യുന്നതിന് കളക്ടറും റവന്യു അധികൃതരും ഉണ്ടെന്ന് അദ്ദേഹം പറഞ്ഞു . പഞ്ചായത്ത് പ്രസിഡൻറ്റിനെക്കൂടാതെ പ്രതിപക്ഷ നേതാവ് പ്രകാശ് പുളിക്കൻ ,ചെറുവള്ളി മെമ്പർ വി പി സുഗതൻ ,എരുമേലി മുസ്ലിം ,ജമാ അത്ത് പ്രസിഡന്റ് പി എച് ഷാജഹാൻ,അയ്യപ്പ  സേവാ  സംഘം പ്രസിഡന്റ് അനിയൻ എരുമേലി ,വ്യാപാരി പ്രതിനിധികളായ മുജീബ് റഹ്മാൻ ,ഹരികുമാർ പ്രസ് ക്ലബ് പ്രതിനിധികളായ സുനിൽ പാറക്കൽ ,സോജൻ ജേക്കബ് ,മാധ്യമ പ്രതിനിധികൾ എന്നിവർ ഐയർപോർട് സ്പെഷ്യൽ ഓഫീസറുമായുള്ള വെബ്‌നാറിൽ പങ്കെടുത്തു .

https://www.facebook.com/sojan.jacob1#

Spread the love

Leave a Reply

Your email address will not be published. Required fields are marked *

Translate »
error: Content is protected !!