ഇടുക്കി: കാട്ടാന പടയപ്പ വീണ്ടും നാട്ടിലിറങ്ങി. കൊച്ചി-ധനുഷ്‌കോടി ദേശീയ പാതയില്‍ മണിക്കൂറുകളോളം ഗതാഗതം തടസപ്പെടുത്തി. നിലവില്‍ ലോക്ക് ഹാര്‍ട്ടിന് സമീപമുള്ള ടോള്‍ ബൂത്തിനടുത്താണ് ആനയുള്ളത്.ആനയെ തുരത്താനായി ആര്‍ആര്‍ടി സംഘം സ്ഥലത്തെത്തിയിട്ടുണ്ട്. കഴിഞ്ഞദിവസം മാട്ടുപ്പെട്ടി മേഖലയില്‍ ഇറങ്ങിയ ആന ലോക് ഹാര്‍ട്ടിന് സമീപമെത്തിയത് ആളുകളില്‍ ആശങ്ക പടര്‍ത്തിയിട്ടുണ്ട്. തൊട്ടടുത്ത് വനമേഖലയല്ലാത്തതിനാല്‍ ആന എവിടേക്ക് പോകുമെന്ന ആശങ്കയാണുള്ളത്.
