മലപ്പുറം: പന്തല്ലൂര്‍ കിഴക്കുപറമ്പ് സ്വദേശി അബൂബക്കര്‍ ആണ് പിടിയിലായത്. ആത്മഹത്യാപ്രേരണാക്കുറ്റം ചുമത്തിയാണ് അറസ്റ്റ്.മഞ്ചേരി വെള്ളില സ്വദേശിനി തഹ്ദിലയാണ് കഴിഞ്ഞ ദിവസം ജീവനൊടുക്കിയത്. വ്യാഴാഴ്ച്ച രാത്രി ഒമ്പതിന് ഭര്‍ത്താവ് നിസാറിന്‍റെ പന്തല്ലൂരിലെ വീട്ടിലാണ് ഇവരെ തൂങ്ങിമരിച്ച നിലയില്‍ കണ്ടെത്തിയത്. യുവതി ജീവനൊടുക്കാന്‍ കാരണം ഭര്‍ത്താവും കുടുംബവുമാണെന്ന് തഹ്ദിലയുടെ കുടുംബം പരാതി നല്‍കിയിരുന്നു.പത്തുവര്‍ഷം മുമ്പായിരുന്നു തഹ്ദിലയുടേയും നിസാറിന്‍റെയും വിവാഹം. ഇവര്‍ക്ക് നാല് കുട്ടികളുണ്ട്.
