July 7, 2020

പ്രവാസിയായ കണമല ഒഴുകയിൽ ആദർശ് കുരിയന്റെ ഫേസ് ബുക്ക് പോസ്റ്റ് വൈറൽ ,14 ദിവസത്തെ ക്വാറന്റൈൻ ആശ്വാസം ,സർക്കാരിന്റെ കരുതലിനും ജനത്തിന്റെ നന്മക്കുമായി മുഖ്യമന്ത്രിയുടെ ദുരിതാശ്വാസ നിധിയിലേക്ക്…ചെറിയ തുക ……..

പ്രവാസിയായ കണമല ഒഴുകയിൽ ആദർശ് കുരിയന്റെ ഫേസ് ബുക്ക് പോസ്റ്റ് വൈറൽ ,14 ദിവസത്തെ ക്വാറന്റൈൻ ആശ്വാസം ,സർക്കാരിന്റെ കരുതലിനും ജനത്തിന്റെ നന്മക്കുമായി മുഖ്യമന്ത്രിയുടെ ദുരിതാശ്വാസ നിധിയിലേക്ക്…ചെറിയ തുക …….. നൂറുകണക്കിനാളുകളാണ് പോസ്റ്റ് ഷെയർ ചെയ്തിരിക്കുന്നത് .

Adarsh Kurian2 hrs ·  പതിനാലു ദിവസം സൗജന്യമായി ലഭിച്ച കരുതലിന് സന്തോഷസൂചകമായി ചെറിയ ഒരു തുക💵 മുഖ്യമന്ത്രിയുടെ ദുരിതാശ്വാസ നിധിയിലേക്ക്…

ചെറിയ ഒരു സംഭവം പറഞ്ഞു കൊണ്ട് തുടങ്ങാം.
മാർച്ച് മാസം പകുതിയോടെ അബുധാബിയിൽ🇦🇪 ഞാൻ ജോലി ചെയ്തിരുന്ന കമ്പനി എല്ലാവർക്കും വെക്കേഷൻ പ്രഖ്യാപിച്ചു. കൊറോണയുടെ വ്യാപനം അതിനോടകം തന്നെ ആ നാട്ടിലും എത്തിയിരുന്നു. കൂടെ വർക്കുചെയ്യുന്ന പലരും നാട്ടിൽ പോയി. ഒരാൾ റിസൈന്‍ ചെയ്തു. വർക്കുകൾ💻 തീരാൻ ഉണ്ടായിരുന്നതിനാൽ ഞാൻ കുറിച്ചു ദിവസം കൂടി ജോലിയിൽ തുടരേണ്ടി വന്നു. അങ്ങനെ ഇരിക്കെ ആഫ്രിക്കയിലെ ഉഗാണ്ടൻ വംശജനായ സഹപ്രവർത്തകൻ ജോണി ഓഫിസിൽ എത്തി. നാട്ടിൽ പോകാൻ ടിക്കറ്റ് കിട്ടിയിട്ടും പോകുന്നില്ലേ എന്ന് ഞാൻ ജോണിയോട് ചോദിച്ചു. “പോകണം എന്ന് ആഗ്രഹമുണ്ട് പക്ഷെ ഉഗാണ്ടയിൽ ചെന്നുകഴിഞ്ഞാൽ ക്വാറന്റൈൻ ചെലവ് തന്നത്താൻ വഹിക്കണം. അത് ഏകദേശം 50💰 ഡോളർ വെച്ച് ഒരു ദിവസ്സം വേണ്ടിവരും. അതുകൊണ്ടു ഉടനെ നാട്ടിൽ പോകുന്നില്ല.” എന്നായിരുന്നു ജോണിയുടെ മറുപടി. ചെറിയ ശമ്പളത്തിൽ ജോലി ചെയ്യുന്ന ഒരാൾക്ക് താങ്ങാവുന്നതിലും അപ്പുറം ആയിരുന്നു ആ തുക. പിന്നീട് അങ്ങോട്ട് ലോക്ക് 🔐ഡൌൺ ആയി , എയർ പോർട്ടുകൾ എല്ലാം അടച്ചു. എല്ലാവരും അവരവരുടെ റൂമുകളിൽ ഒതുങ്ങി. ഞാനും പെട്ടു. വിസ ക്യാൻസൽ ചെയ്തു. ജോലിയും കൂലിയും ഇല്ലാതെ റൂമിൽ തന്നെ ഇരിപ്പായി… ഈ സംഭവം ഒരു ആമുഖമായി പറഞ്ഞു എന്ന് മാത്രം.

രണ്ടു മാസങ്ങൾ കഴിഞ്ഞു. നാട്ടിലേയ്ക്കു പോരാൻ രജിസ്റ്റർ ചെയ്യാൻ ഉള്ളയിടത്തൊക്കെ ചെയ്തു കാത്തിരിപ്പ് ആയിരുന്നു പിന്നീടുള്ള ദിനങ്ങൾ. അങ്ങനെ എന്തോ ഭാഗ്യം കൊണ്ട് വന്ദേ ഭാരത് ദൗത്യത്തിൽ എനിക്കും ഒരു അവസരം കിട്ടി. മെയ് 27 നു അബുധാബിയിൽ നിന്നുള്ള എയർ ഇന്ത്യ വിമാനത്തിൽ🛬 നാട്ടിലെത്തി🇮🇳. ഇന്സ്ടിട്യൂഷനൽ ക്വാറന്റൈൻ നിർബന്ധം ആയിരുന്നതിനാൽ എയർ പോർട്ടിൽ നിന്നും കോട്ടയം ജില്ലയ്ക്കുള്ള ബസിൽ🚌 കയറി ക്വാറന്റൈൻ സെന്ററിൽ എത്തി. ചങ്ങനാശേരി അതിരൂപതയുടെ കീഴിൽ ഉള്ള ചെത്തിപ്പുഴ ST. THOMAS ഹോസ്പിറ്റൽ🏥 സർക്കാരിനായി വിട്ടു നൽകിയ ക്വാറന്റൈൻ സെന്ററിൽ ആണ് എനിക്ക് ഇടം ലഭിച്ചത്. സർക്കാർ നിരീക്ഷണത്തിൽ പതിനാലു ദിവസം.

നാട്ടിലേയ്ക് പോരാനുള്ള ടിക്കറ്റ് റെഡിയായപ്പോൾ മുതലുള്ള ആശങ്ക ആയിരുന്നു “ക്വാറന്റൈൻ”. സർക്കാർ സംവിധാനം അല്ലെ… എവിടേലും കൊണ്ടുപോയി ഇടും, ഒരു മുറിയിൽ കുറെ ആളുകൾ കാണും, വിർത്തി ഉണ്ടാവില്ല, കോമ്മൺ ടോയ്ലറ്റ്🚽🚿ആരിക്കും തുടങ്ങിയ ഒരുപാട് മുൻവിധികളും ആകുലതകളും മനസ്സിൽ ഉണ്ടായിരുന്നു. അതിനു ആക്കം കൂട്ടുന്ന രീതിയിലുള്ള ചർച്ചകളും അഭിപ്രായങ്ങളുമായിരുന്നു സാമൂഹ്യ മാധ്യമങ്ങളിൽ ഉടനീളവും. എന്നാൽ ഈ അഭിപ്രായങ്ങളും മുൻവിധികളും എല്ലാം തെറ്റായി പോയി എന്ന് തെളിയിക്കുന്നതായിരുന്നു അവിടെ ഞങ്ങൾക്കായി ഒരുക്കിയിരുന്ന സൗകര്യങ്ങൾ.

ഒരു മുറിയിൽ ഒരാൾ വീതം. അറ്റാച്ഡ് വാഷ്‌റൂമൊടു🛁 കൂടിയ സാമാന്യം വലിപ്പമുള്ള മുറി🛏. തോർത്തും ബെഡ്ഷീറ്റും മുതൽ ബ്രഷും, പേസ്റ്റും, പാത്രവും🍽 തുടങ്ങി എല്ലാ നിത്യോപയോഗ സാധങ്ങളും അവിടെ ക്രമീകരിച്ചിരുന്നു.
എല്ലാ ദിവസവും നാല് നേരം രുചികരമായ ഭക്ഷണം🍛. അതും കൃത്യ സമയത് സന്തോഷത്തോടെ എത്തിച്ചു തരുന്ന ആരോഗ്യ പ്രവർത്തകരും വോളിന്റേഴ്സും. ഓരോ ദിവസവും വിവിധ സർക്കാർ വകുപ്പുകളിൽ നിന്നും ബന്ധപ്പെട്ടവർ വിളിച്ചു📞 കാര്യങ്ങൾ തിരക്കുന്നുണ്ടായിരുന്നു. കൗൺസലിംഗ് വേണോ എന്നുപോലും ചോദിച്ചു വിളി വന്നു ഒരുദിവസം. എന്തൊരു കരുതലാ എന്ന് സത്യത്തിൽ ഓർത്തുപോയി.

കൈയിൽ ലാപ്ടോപ്പും💻 ഫോണിൽ📱 ആവശ്യത്തിൽ കൂടുതൽ ഡാറ്റയും ഉണ്ടായിരുന്നത് കൊണ്ട് സമയം⏳ തള്ളി നീക്കാൻ വലിയ ബുദ്ധിമുട്ട് ഉണ്ടായില്ല.
കുറിച്ചു വർക്കുകൾ ഉണ്ടായിരുന്നത് ചെയ്തും, മുഖ പുസ്തകത്തിൽ അഭിപ്രായങ്ങൾ പങ്കുവെച്ചും, കൂട്ടുകാരുമായി ഫോണിൽ സംസാരിച്ചും, യൂട്യൂബിൽ വീഡിയോസ് കണ്ടുമൊക്കെ ഓരോ ദിവസവും വിരസതകൾ ഒന്നുമില്ലാതെ കടന്നു പോയി. മിക്ക ദിവസങ്ങളിലും രാവിലെ എഴുനേറ്റ് ഓൺലൈനിൽ കുർബാന ⛪കൂടി. ബെംഗളൂരു ലോഗോസ് ധ്യാന കേന്ദ്രത്തിൽ നിന്നും ലൈവ്. ( ഇംഗ്ലീഷ് കുർബാന ആകുമ്പോൾ പെട്ടന്ന് തീരുമല്ലോ 🙂 )

അങ്ങനെ ദിവസങ്ങൾ കടന്നു പോയ്കൊണ്ടേ ഇരുന്നു 🕐….
ഏഴു ദിവസം കഴിഞ്ഞാൽ അത്യാവശ്യകാർക്ക് വീട്ടിൽ പോകാം എന്നാലും ഹോം ക്വാറന്റൈൻ ഇരിക്കണം എന്നും പറഞ്ഞിരുന്നു. ഓടി വീട്ടിൽ ചെന്നിട് ഒന്നും ചെയ്യാനില്ലല്ലോ, കൂടാതെ വീട്ടുകാരുടെയും നാട്ടുകാരുടേയും സുരക്ഷയും. വേകുവോളം ഇരിക്കാമെങ്കിൽ ആറുവോളം ഇരിക്കരുതോ…
അതുകൊണ്ടു രണ്ടു ആഴ്ച തികച്ചിട്ടേ പോകുന്നുള്ളൂ എന്ന് തീരുമാനിച്ചു.

പന്ത്രണ്ടാം ദിവസം (മെയ് 08 ) സ്വാബ് ടെസ്റ്റ് 👩‍🔬 നടത്താൻ ചങ്ങനാശേരി ജനറൽ ഹോസ്പിറ്റലിൽ🏪 കൊണ്ടുപോയി. റിസൾട്ട് വരാൻ രണ്ടു ദിവസം കാത്തിരിക്കണം. രോഗ ലക്ഷണങ്ങൾ ഒന്നും ഇല്ലെങ്കിലും റിസൾട്ട് വരും വരെ നല്ല ആശങ്ക ഉണ്ടായിരുന്നു. തൊട്ട് അടുത്ത ദിവസം ഞാൻ താമസിച്ചിരുന്നിടത്ത് മൂന്ന് പേർക്ക് കോവിഡ് സ്ഥിതീകരിച്ചു. അവരും അബുധാബിയിൽ നിന്ന് വന്നവർ. വേറെ ഫ്ലൈറ്റിൽ✈️ വന്നവരാണ് എങ്കിലും, എയർപോർട്ടിൽ നിന്നും ഒരു ബസിൽ🚌 ആണ് ചങ്ങനാശേരി വരെ എത്തിയത്. അതും കൂടി കേട്ടപ്പോൾ ചങ്കിടിപ്പ് അൽപ്പം കൂടി.
റിസൾട്ട് വരാൻ ഒരു ദിവസം കൂടി. വെറുതെ ഇരിക്കുമ്പോൾ ചുമ്മാ ചുമച്ചു ഒക്കെ നോക്കും. തൊണ്ടവേദന വല്ലോം നമ്മളറിയാതെ ഇരിപ്പുണ്ടോ എന്നറിയാനെ.. റിസൾട്ട് വന്ന് നെഗറ്റീവ് ആയ പലരും വീടുകളിലേയ്ക് മടങ്ങി. ശേഷം അവശേഷിച്ചത് ഞങ്ങൾ മൂന്നു പേര് മാത്രം. അടുത്ത ദിവസം ഉച്ചയോടെ റിസൾട്ട് വരും. നാളത്തെ മുഖ്യമന്ത്രിയുടെ പത്രസമ്മേളത്തിൽ📺 രോഗ ബാധിതരുടെ😷 എണ്ണം പറയുമ്പോൾ അതിലൊരാൾ ഞാൻ അവരുതേ എന്ന പ്രാർത്ഥനയിൽ ഭക്ഷണം കഴിച്ചു കിടന്നു ഉറങ്ങി😴.

രാവിലെ🌞 എഴുനേറ്റ് എല്ലാം പായ്ക്ക് ചെയ്തു. റിസൾട്ട് വരുമ്പോൾ പോണമല്ലോ. ഒന്നുകിൽ വീട്ടിലേയ്ക് അല്ലേൽ മെഡിക്കൽ കോളേജിലേക്ക്.
പോസിറ്റീവ് ആണേൽ രാവിലെ വിളിക്കും, നെഗറ്റീവ് ആണേൽ പതിയെ അറിയിക്കും എന്നൊക്കെ പറഞ്ഞു കേട്ടിരുന്നു. എന്തായാലും ആശങ്കകൾക് വിരാമം ഇട്ടുകൊണ്ട് ഉച്ചയ്ക്ക് ഭക്ഷണവും ആയി എത്തിയ ആൾ പറഞ്ഞു റിസൾട്ട് വന്നു എല്ലാവരും നെഗറ്റീവ് ആണ് വീട്ടിൽ പോകാൻ തയ്യാറായിക്കോളു എന്ന്… എന്തെന്നില്ലാത്ത ഒരു ആശ്വാസം. അടുത്ത പതിനാലു ദിവസം ഹോം🏠 ക്വാറന്റൈൻ. എന്നാലും വേണ്ടില്ല, വീട്ടിൽ പോകാലോ എന്നത് തന്നെ വലിയകാര്യമല്ലേ… ഏകദേശം നാലുമണിയോടെ എന്നെ കൂട്ടാൻ വണ്ടിയെത്തി. ഒന്നല്ല , രണ്ടെണ്ണം. ഒരു വണ്ടി എന്നെ ഏല്പിച്ചു, മറ്റേ വണ്ടിയിൽ ചേട്ടനും അച്ഛയും തിരിച്ചു പോയി. ഞാൻ ബാഗ് ഒക്കെ വണ്ടിയിൽ വെച്ച് അവിടെ ഡ്യൂട്ടിയിൽ ഉണ്ടായിരുന്ന സാറുമാരുടെ കൂടെ സെൽഫിയും എടുത്ത് എല്ലാവർക്കും നല്ലവാക്കും പറഞ്ഞു അവിടുന്ന് ഇറങ്ങി.

അങ്ങനെ പതിനാലു ദിവസങ്ങൾക്ക് ശേഷം പുറം ലോകം കണ്ടു. പിന്നെ കുറെ നാളുകൂടി സ്വന്തം വണ്ടി 🚗ഓടിക്കാൻ പറ്റിയ സന്തോഷത്തിൽ പാട്ട്🎼 ഒക്കെ കേട്ട് പതിയെ വീട്ടിലേയ്ക്ക്…
ഇനി പതിനാലു ദിവസം വീട്ടിൽത്തന്നെ. ചക്കയും കപ്പയും പോത്തും 🥭🥚🍠🐃 ഒക്കെ കഴിച്ചു ഇരിക്കാലോ….

നാല് ചുവരുകൾക്കിടയിൽ ആയിരുന്നതിനാൽ ഒരുപാട് ഒന്നും എഴുതാൻ✍️ ഇല്ല. പതിനാലു ദിവസങ്ങൾ പെട്ടെന്ന് അങ്ങ് കഴിഞ്ഞത് പോലെ 🕒🕧🕘🕛.
ഇങ്ങനെ ഒരു സാഹചര്യത്തിൽ നമ്മുടെ സർക്കാർ തികച്ചും സൗജന്യമായി നൽകിയ ഈ സേവനങ്ങൾക്കും കരുതലിനും എത്ര നന്ദി പറഞ്ഞാലും മതിയാവില്ല. ഇതിൽ കൂടുതൽ ഒന്നും ഒരു സർക്കാർ സംവിധാനത്തിനും ചെയ്തു തരാൻ പറ്റും എന്നും കരുതുന്നില്ല. അതുപോലെ അവിടെ ഡ്യൂട്ടിയിൽ ഉണ്ടായിരുന്ന ഉദ്യോഗസ്ഥർ, ഡെപ്യൂട്ടേഷനിൽ വന്നു സേവനം ചെയ്ത അധ്യാപകർ, വോളന്റിയേഴ്‌സ്… എല്ലാവർക്കും പ്രണാമം🙏.

ജൂൺ 28 .
നാടണഞ്ഞിട്ട് ഇന്നേയ്ക് 30 ദിവസം തികഞ്ഞു. വീടിന്റെ🏠 സുരക്ഷിത്വത്തിൽ ഹോം ക്വാറന്റൈനും പൂർത്തിയായി. രോഗവും ലക്ഷണങ്ങളും ഒന്നും ഇല്ലാതെ സന്തോഷത്തോടെ ഇരിക്കാൻ കഴിഞ്ഞത് ദൈവാനുഗ്രഹമായി 🙏 കരുതുന്നു.

ഇത്രെയും എഴുതിയത് ചെറിയ ഒരു കാര്യം പറയാൻകൂടിയാണ്. മേല്പറഞ്ഞ കാര്യങ്ങൾ ഒക്കെ ഭംഗിയായി ചെയ്തുതന്ന സർക്കാരിന് തിരിച്ചു എന്തേലും ചെയ്തില്ലേൽ അത് മോശമല്ലേ. ചെയ്തില്ലേൽ ഒരുപക്ഷെ അതൊരു ഉത്തിരിപ്പ് കടമായി കിടക്കും. അതുകൊണ്ടു കിട്ടിയ സേവനങ്ങൾക്ക് സ്നേഹോപകാരമായി🎁 ചെറിയ ഒരു തുക മുഖ്യമന്ത്രിയുടെ ദുരിതാശ്വസ നിധിയിലേയ്ക് സംഭാവന ചെയ്യുന്നു. ഇതുപോലെ ക്വാറന്റൈനിൽ കഴിഞ്ഞവർക്കോ, സൗജന്യ ചികിത്സ ലഭിച്ചവർക്കോ ഇങ്ങനെ ചെയ്യാൻ ഒരു പ്രജോതനമായികോട്ടെ എന്ന് കരുതി മാത്രം ഇത് ഇവിടെ പറഞ്ഞതാണ്. കഴിച്ച ഭക്ഷണത്തിന്റെ ചെലവ് എങ്കിലും തിരിച്ചു കൊടുക്കാൻ നമ്മുക്ക് ഒരു കടപ്പാട് ഇല്ലേ. മറ്റൊരാൾക്കു അത് പ്രയോജനപെടുമല്ലോ…
വേണമെങ്കിൽ ഒരു ചലഞ്ചായി #standwithkerala ഏറ്റുടുക്കാവുന്നതാണ്. അതാണല്ലോ ഇപ്പഴത്തെ ട്രെൻഡ്…….
– ശുഭം –

Spread the love

Leave a Reply

Your email address will not be published. Required fields are marked *

Translate »
error: Content is protected !!