July 7, 2020

ഗവണ്മെന്റ് പ്രഖ്യാപിച്ച ആനുകൂല്യങ്ങൾ മുഴുവൻ ഗാർഹിക ഉപഭോക്താക്കൾക്കും ലഭിക്കും

ഗവണ്മെന്റ് പ്രഖ്യാപിച്ച ആനുകൂല്യങ്ങൾ മുഴുവൻ ഗാർഹിക ഉപഭോക്താക്കൾക്കും ലഭിക്കും. ബിൽതുക ഇതിനകം അടച്ചവർക്കും തുടർന്നുള്ള ബില്ലുകളിൽ സബ്സിഡി ക്രമപ്പെടുത്തി നൽകുന്നതാണ്. ഇതിനായി പ്രത്യേകം അപേക്ഷ ഒന്നും തന്നെ നൽകേണ്ടതില്ല എന്ന് KSEB അറിയിച്ചു ജൂലൈ ഒന്ന് മുതൽ ലഭിക്കുന്ന ബില്ലുകളിൽ സബ്സിഡി ആയി കാണിക്കുന്നതാണ്. കോവിഡ് ലോക്‌ഡോൺ കാലയളവിലുള്ള ഗാർഹിക ഉപഭോക്താക്കളുടെ വൈദ്യുതി ഉപേഭോഗം കൂടി ബില്ലുകൾ വർദ്ധിച്ചിരുന്നു. KSEB വൈദ്യുതി ബില്ല് വർധിപ്പിച്ചു എന്ന രീതിയിൽ ഒരുപാട് പ്രചരണങ്ങളും വന്നു. ഇത്തരം ബില്ലുകൾ അടക്കാനുള്ള ബുദ്ധിമുട്ടുകൾ മനസ്സിലാക്കിയാണ് Indian Electricity Act Section 65 അനുസരിച്ച് ഇളവുകൾ അനുവദിച്ചത്. 2020 ഏപ്രിൽ 20മുതൽ 2020 ജൂൺ 19 വരെയുള്ള കാലയളവിൽ നൽകിയ വൈദ്യുതി ബില്ലുകൾക്കാണ് സംസ്ഥാനസർക്കാർ ഇളവുകൾ പ്രഖ്യാപിച്ചിരിക്കുന്നത്. ജൂലൈ ആദ്യ ആഴ്ചമുതൽ നൽകുന്ന വൈദ്യുതിബില്ലുകൾ ഈ ഇളവുകൾ ഉൾപ്പെടുത്തി ഉള്ളതായിരിക്കും. നേരത്തെ ഉപയോഗിച്ച വൈദ്യുതിയുടെ ശരാശരി, കോവിഡ് 19നെ തുടർന്നുള്ള ലോക്‌ഡോൺ സമയയത്തെ ഉപഭോഗ വർധനവും കണക്കിലെടുത്താവും ഇളവുകൾ അനുവദിക്കുക. ഇതുവരെ വൈദ്യുതിബിൽ ഒടുക്കാത്തവർക്കു ഗഡുക്കളായി അടക്കുവാനും അവസരം ഉണ്ട്. ഗഡുകളുടെ എണ്ണം അഞ്ചായി വർദ്ധിപ്പിച്ചു. സെക്ഷൻ ഓഫീസിലോ 1912എന്ന കെ എസ് ഇ ബി യുടെ കാൾ സെന്റർ നമ്പറിൽ ബന്ധപ്പെട്ടോ തവണകൾ ആക്കാനും സാധിക്കും. ഇതിനു പുറമെ സ്വമേധയാ ബിൽതുകയുടെ അഞ്ചിലൊന്ന് ഓൺലൈനായി അടച്ചും തവണകളായി മാറ്റാവുന്നതാണ്. ഇത് സെക്ഷൻ ഓഫീസിലോ 1912 എന്ന കാൾ സെന്റർ നമ്പറിലോ അറിയിക്കേണ്ടതാണ്. തവണകൾ ആവശ്യമില്ലാത്തവർക്കു നിലവിൽ ലഭിച്ച ബിൽതുകയുടെ 70 ശതമാനം ഇപ്പോൾ അടച്ചാൽ മതിയാകും. ബാക്കിതുക തുടർന്നുള്ള ബില്ലുകളിൽ ഇളവുകൾ ഉൾപ്പെടുത്തി നൽകുന്നതായിരിക്കും. ആദ്യമായി ഓൺലൈൻ മുഖാന്തിരം പണമടക്കുന്നവർക്കു ബിൽതുകയുടെ 5 ശതമാനം, പരമാവധി 100 രൂപവരെ ക്യാഷ് ബാക്ക് ആയി നൽകുന്ന ആനുകൂല്യം 2020 ഡിസംബർ 31വരെ ദീർഘിപ്പിച്ചു. ഉപഭോക്താക്കൾ ഈ ആനുകൂല്യം പ്രയോജനപ്പെടുത്തി ബില്ലുകൾ പരമാവധി ഓൺലൈനായി (അക്ഷയ കേന്ദ്രത്തിൽ ഓൺലൈൻ ആയി അടക്കാം)അടക്കുവാൻ അഭ്യർത്ഥിക്കുന്നു.

Spread the love

Leave a Reply

Your email address will not be published. Required fields are marked *

Translate »
error: Content is protected !!