July 9, 2020

കോവിഡ് പ്രോട്ടോകോൾ -പഞ്ചായത്ത് ലൈസൻസ് ക്യാമ്പ് 2020 – 2021, എരുമേലി വ്യാപാരഭവനിൽ ഈ വര്‍ഷം ഇല്ല ,

     എരുമേലി :ലോക്ക് ഡൌൺ കഴിയുന്നതുവരെ കാത്തിരുന്നിട്ടും കോവിഡ് പ്രോട്ടോകോൾ അനുസരിച്ച് നിലവിലെ സാഹചര്യത്തിൽ ആളുകൾ ഒരുമിച്ചു പങ്കെടുക്കേണ്ടതിനാൽ പഞ്ചായത്ത് ലൈസൻസ് ക്യാമ്പ് നടത്താൻ സാധിക്കുന്നതല്ല എന്ന് പഞ്ചായത്ത് അധികൃതരിൽ നിന്നും ഹെൽത്ത് ഡിപ്പാർട്ട്മെന്റിൽ നിന്നും അറിയിപ്പ് ലഭിച്ചതിനാൽ ഈ വര്‍ഷം പഞ്ചായത്ത് ലൈസൻസ് ക്യാമ്പ് ഉണ്ടായിരിക്കില്ലന്ന് വ്യാപാരി വ്യവസായി ഏകോപന സമിതി പ്രസിഡന്റ് മുജീബ്‌റഹ്മാൻ വലിയവീട്ടിൽ  അറിയിച്ചു .       വ്യാപാരി സുഹൃത്തുക്കൾ അവരവരുടെ പഞ്ചായത്ത് ലൈസൻസ് സ്വന്തമായി പഞ്ചായത്ത് ഓഫീസിൽ നിന്നും ജൂൺ മുപ്പത്തിനകം കരസ്ഥമാക്കേണ്ടതാണ്.   അതിനാവശ്യമായ ലൈസൻസ് അപേക്ഷ ഫോറം , ഹെൽത്ത് ഡിപാർട്മെന്റിൽ സാനിറ്റേഷൻ റിപ്പോർട്ടിനായി സമർപ്പിക്കേണ്ട അപേക്ഷ ഫോറം , ട്രഷറിയിൽ പണം അടയ്ക്കാനുള്ള ചെല്ലാൻ എന്നിവ തികച്ചും സൗജന്യമായി വ്യാപാര ഭവനിൽ സജ്ജീകരിച്ചിട്ടുണ്ട് ,   അംഗങ്ങൾക്ക് ഏതെങ്കിലും തരത്തിലുള്ള ബുദ്ധിമുട്ടുകൾ  പഞ്ചായത്തു ലൈസൻസുമായി ബന്ധപ്പെട്ടു ഉണ്ടാവുന്നുവെങ്കിൽ സംഘടനാ ഓഫീസിൽ അറിയിച്ചാൽ പരിഹരിച്ചു നൽകുമെന്ന് പ്രസിഡന്റ് അറിയിച്ചു .   പഞ്ചായത്ത് ലൈസൻസിനായി ഹാജരാക്കേണ്ടുന്ന രേഖകൾ താഴെപറയുന്നവയാണ് -1  പൂർണമായി പൂരിപ്പിച്ചു അഞ്ചു രൂപ കോർട്ടിഫി സ്റ്റാമ്പ് ഒട്ടിച്ച അപേക്ഷ ഫോറം2  മുൻ വർഷത്തെ പഞ്ചായത്ത് ലൈസൻസിന്റെ കോപ്പിയോ ,ലൈസൻസിനായി പണം അടച്ച രസീതിന്റെ കോപ്പിയോ3  വാടകക്കാരനും കെട്ടിടമുടമയും ഉഭയസമ്മതപ്രകാരം നൂറു രൂപയിൽ കുറയാത്ത മുദ്ര പത്രത്തിൽ എഴുതിയ തന്നാണ്ടു വർഷത്തെ വാടകരാറിന്റെ കോപ്പി4 പഞ്ചായത്ത് കെട്ടിട നികുതി അടച്ച രസീതിന്റെ കോപ്പി5 മാതാപിതാക്കളുടെയോ മക്കളുടെയോ പേരിലുള്ള കെട്ടിടത്തിൽ വ്യാപാരം ചെയ്യുന്നവർ ഉടമയുടെ, വെള്ളപേപ്പറിൽ എഴുതി ഒപ്പിട്ട സമ്മതപത്രം6 എല്ലാ ലൈസൻസ് അപേക്ഷകളിലും അപേക്ഷ ഫോറത്തിൽ ഹെൽത്ത് ഡിപ്പാർട്മെന്റിൽ നിന്നും ലഭിക്കുന്ന സാനിറ്റേഷൻ റിപ്പോർട്ട്7 ഭക്ഷ്യവസ്തുക്കൾ നേരിട്ടു കൈകാര്യം ചെയ്യുന്ന ,ചായക്കടകൾ ,മത്സ്യ മാംസ സ്ഥാപനങ്ങൾ, ബേക്കറികൾ എന്നിവയ്ക്ക് സാനിറ്റേഷൻ സർട്ടിഫിക്കറ്റ് ഹാജരാക്കേണ്ടതാണ് .8 അഞ്ചു HP യ്ക്കു മുകളിലുള്ള മോട്ടോർ ഉപയോഗിച്ച് പ്രവർത്തിക്കുന്ന സ്ഥാപനങ്ങൾ ,ഹോട്ടലുകൾ എന്നിവയ്ക്ക് പൊല്യൂഷൻ സെർട്ടിഫിക്കറ്റ് കൂടി ഹാജരാക്കേണ്ടതാണ്.

Spread the love

Leave a Reply

Your email address will not be published. Required fields are marked *

Translate »
error: Content is protected !!